من نحن — توما لاستشارات التأمين
مش بس منبيعك ورقة بوليصة وبس؛ نحنا منبني علاقة ثقة وأمان بتدوم لسنين.
📖 كيف بلّشت القصة؟
رحلتنا بلّشت سنة ١٩٩٨ على إيد الأستاذ بول توما. الفكرة ما كانت بس تأسيس شركة، بل كانت شغف كبير بمجال التأمين وحب حقيقي لمساعدة العالم. اليوم، وبعد قرابة ٣٠ سنة خبرة بالسوق اللبناني، كبرنا كفريق واحد، وكبرت معنا مسؤوليتنا تجاه كل فرد وشركة حطوا ثقتهم فينا.
🛡️ شو منقدّم؟
سواء كنت عم تفتش ع أمان لعيلتك، أو حماية لشركتك وموظفينك، نحنا حدك — للأفراد والشركات.
🩺 تأمين صحي
لتبقى صحتك وصحة اللي بتحبهم بأمان.
👨👩👧👦 تأمين على الحياة
لنحمي جنى عمرك ومستقبل ولادك.
🚗 تأمين سيارات
لنسوق معك ونحميك من مفاجآت الطريق.
🏠 تأمينات عامة وشركات
لحماية بيتك وممتلكاتك ومصالحك ومصلحة شركتك.
🏢 الشركات اللي منشتغل معها
منشتغل مع شبكة واسعة من شركات التأمين الموثوقة بلبنان، منشان نأمّنلك العرض اللي بيناسب حاجتك وميزانيتك — مش بس عرض شركة وحدة.
🤝 ليه نحنا؟
الشفافية والمصداقية
الشفافية والمصداقية عنا مش مجرد شعارات، هول الأساس اللي بنينا عليه إسمنا. مننصحك باللي بيناسب ميزانيتك ومصلحتك إنت، بكل شفافية وبلا لف ودوران.
متابعة ما بتوقف
علاقتنا فيك بتبلّش بعد توقيع البوليصة. نحنا معك خطوة بخطوة، ومنتابع ملفاتك وحوادثك شخصياً لتضمن حقك للآخر.
تلبية سريعة
فريقنا دايماً جاهز وحاضر ليلبي كل طلباتك واستفساراتك بأسرع وقت، لأنو راحة بالك ما بتنطر.
الأسئلة الشائعة
شو أنواع التأمين اللي بتقدموها؟
تأمين طبي، على الحياة، سيارات، وتأمينات عامة وشركات — للأفراد والشركات.
وين مركزكم؟
مركزنا الرئيسي بالدكوانة، بيروت، ومعنا فريق بالرميش وحاريص بجنوب لبنان.
شو منعمل بعد الشراء؟
منضل معك — منتابع ملفك وحوادثك شخصياً لتضمن حقك للآخر.
مع شو شركات تأمين منشتغل؟
المشرق، Arabia، Bankers، Cumberland، Fidelity، MedGulf، Securite Assurance، وTrust Compass — من بين شركات تانية.